Sut i wneud tedi: Gwnewch ffrind newydd o dameidiau o ddefnydd yn gynaliadwy

DEUNYDDIAU

• Defnydd (ail-law)

• Edau

• Nodwyddau

• Pinnau

• Siswrn

• Stwffin (unrhyw fath)

• Y patrwm papur hwn

• Botymau (dewisol)

• Rhuban (dewisol)

NODER: Byddwch yn ofalus wrth drin eitemau â min!

1. Tynnwch lun y patrwm tedi hwn ar ddalen o bapur A4.

   

2. Torrwch y patrwm allan.

   

   
   

3. Dewiswch ddefnydd, rhowch y patrwm papur ar y defnydd a phiniwch y ddau at ei gilydd. Torrwch ddau ddarn siâp y corff, dau ddarn wyneb a phedwar darn clust.

   

4. Piniwch y corff at ei gilydd, piniwch ddau bâr o glustiau at ei gilydd, pwythwch o gwmpas y clustiau a’r corf gan ddefnyddio pwyth chwip neu blanced.

   

5. Stwffiwch y clustiau a’r corff.

   

6. Piniwch yr wyneb at ei gilydd ac yna piniwch y clustiau’n sownd wrth yr wyneb, pwythwch y clustiau’n sownd wrth yr wyneb gan ddefnyddio pwyth syth neu ôl-bwyth.

   

7. Pwythwch o gwmpas hanner yr wyneb, stwffiwch, yna pwythwch o gwmpas y gweddill, i’w gau.

   

8. Pwythwch yr wyneb yn sownd wrth y corff gyda phwyth syth neu ôl-bwyth.

CAM BONWS:

Addurnwch yr wyneb â botymau / secwins / gleiniau / edafedd i greu llygaid a cheg. Ychwanegwch ruban.

Gan Eve Gil, Artist a Dylunydd. Mae Eve yn arwain gweithdau uwchgylchu creadigol ar ran Recreative Maindee.

Wedi mwynhau'r erthygl hon? Cefnogwch ein hawduron yma!